काठमाडौं : ‘मिस्टर नेपाल–२०२४’का लागि आवेदन खुला भएको छ ।
आयोजक नेक्स्ट मोडल्सले बिहीबार विज्ञप्ति जारी गर्दै मिस्टर नेपालको नयाँ संस्करणका लागि आवेदन खुला गरेको जानकारी दिएको हो ।
प्रतियोगितामा १८ देखि २८ वर्ष उमेर ननाघेका युवाले सहभागिता जनाउन सक्नेछन् । प्रतियोगितामा विश्वका जुनसुकै स्थानमा रहेका ५ फिट ७ इन्च माथि उचाइ भएका नेपाली नागरिकले सहभागिता जनाउन सक्नेछन् ।
असारको अन्तिम साताबाट मिस्टर नेपालका लागि देशभर अडिसन हुनेछ । प्रतियोगिताको शीर्ष विजेताले ‘मिस्टर वर्ल्ड–२०२४’ अथवा ‘मिस्टर ग्लोवल–२०२४’मा नेपालको प्रतिनिधित्व गर्न पाउनेछन् । नगद पुरस्कार पनि प्राप्त गर्ने आयोजकले जनाएको छ ।
