काठमाडौं : बंगलादेश सरकारले यस वर्षको मनसुन सिजनमा ८ करोडभन्दा बढी विरुवा रोप्ने लक्ष्यका साथ मेगा वार्षिक राष्ट्रव्यापी वृक्षरोपण अभियान सुरु गरेको छ।
प्रधानमन्त्री शेख हसिनाले बंगबन्धु अन्तर्राष्ट्रिय सम्मेलन केन्द्रको प्राङ्गणबाट अभियानको शुभारम्भ गरेकी हुन्।
विरुवा रोप्न र हुर्काउन सबैलाई आग्रह गर्दै उनले जलवायु परिवर्तनको प्रतिकुल असरबाट बंगलादेशलाई जोगाउनु पर्ने र त्यसका लागि आफ्नो सरकार कटिवद्ध रहेको बताइन्।
करिब २५० नदीनालाले बगाएको र जलवायु परिवर्तनको प्रभावबाट अत्यधिक जोखिममा रहेको देशको वातावरण जोगाउन मानिसहरूलाई उत्प्रेरित गर्न सन् १९९४ मा पहिलोपटक सुरु भएको महिना लामो वार्षिक अभियानलाई महत्वपूर्ण कार्यक्रमका रूपमा लिइन्छ।
